ناجح البواب ..الكبير مش دايما كبير

اقرأ لهؤلاء

التكنولوجيا .. وثورة في العلاج الذاتي
لا شك أن التكنولوجيا الحديثة باتت تلعب دورا استراتجيا في تطوير الخدمات الصحية العالمية بصورة تشكل قفزات نوعية كبيرة بداية من الأبحاث المتعلقة بتطوير
	تكنولوجيا محاربة الفساد  .. وصبر الشعب
التعلم خطوة خطوة في ممارسة الديمقراطية هو أحد أهم مكتسبات الشعب المصري خلال السنوات الستة الماضية لاسيما بعد أن نجح
الشباب .. واستراتيجية قومية للإبداع
يدرك الجميع أن مصر واحدة من الدول التي وهبها الله قوة بشرية لا يستهان بها ، إذ إن 60 % من السكان في عمر الشباب أقل من 25 عاما
تحديد حقوق وواجبات الروبوتات
كما يقال، لا قيمة لشيء بدون إثبات وتوثيق ورقي، وفي خضم الضجة العالمية حول النتائج المحتملة لدخولنا ثورة صناعية من نوع جديد، يقودها
الأمن الفضائي .. والتنسيق العربي المطلوب " 1- 3 "
يشكل الأمن والاستقرار، وحماية حقوق الملكية الفكرية أحد أهم متطلبات عملية التنمية الاقتصادية وإقناع المستثمرين

أصدقاؤك يفضلون:

رؤية

ناجح البواب ..الكبير مش دايما كبير

بقلم : ناصر فؤاد 

 

فوجئت بناجح البواب، ونسخة مصغرة منه في مدخل العمارة .. سبحان الله الخالق المبدع ..كأنه ناجح ولكنه أصغر سنا ، أخوه "فالح" ، ألقيت عليهما السلام ثم دار بيننا هذا الحديث :

ناجح : بعد إذنك يا باشا "فالح" حيقعد عندي كام يوم ويمكن أسافر البلد وأسيبه ، ما هو سيادتك عارف الواحد ما بيصدق يلاقي حد بداله .

العبد لله : هو مش "فالح" برضه كان بيشتغل بواب عمارة في النزهة الجديدة، ولا أنا غلطان.

فالح : لا تمام يا باشا ، بس أنا سيبت العمارة من أول الشهر ،بعد ما بدأت تبوظ .

العبد لله : تبوظ ازاي يا "فالح" هي العمارة دي مش جديدة ولا تاريخ الصلاحية بتاعها انتهى بدري بدري .

فالح : لا يا باشا العمارة زيّ الحديد ، والحمد لله لحد دلوقتي فيه أمل انها تِتْلِحق ، بس من قيمة كام شهر اتغير مجلس الإدارة ، كان عندنا 8 شقق فاضيين، والعمارة من 20 شقة ، وسعادتك عارف أن اتحاد الملاك دايما  عايز حد فاهم في الإدارة، والصيانة، ومعاملة الصنايعية، والعمال، وكمان معاملة السكان ، الشقق الفاضية اشتراها 8 معارف على نسايب كانوا مع بعض في الخليج ، بيشتغلوا على مراكب صيد تجارية ، طول عمرهم في البحر ، ما عندهمش أي خبرة غير في البحر والسمك، عملوا فلوس كويسه ، واشتروا في مصر الشقق وعربيات وكلهم طلعوا معاش ، اتفقوا وبقوا ماسكين العمارة ، وفاكرينها مركب ، الصيانة علي مزاجهم ، العمال مش عاجبينهم، الشغالات اللي في العمارة طفشوا من كتر التحكمات في الخروج والدخول ، ولو لا أن العمارة أساسها مَتِين ومبنية كويّس ، كانت ضاعت لكن لو فضلت على كده أكيد حتضيع تماما ، والسكان تزعق تحب تعمل أي حاجه  مفيش فايده ، بيعملوا اللي همّ عايزينه، وما بيسمعوش كلام حد إلا الراجل الكبير بتاعهم ، وطبعا كل حاجة بقت معاهم ، أمين الصندوق معاهم والريس والسكرتير ، حتى الأمن جابوا شركة بتاعت واحد قريبهم ، أرخص بس حيجنن الزوار والشغالين ، وبتوع التوصيل بقي ما بيطيقوش يوصلوا أي حاجة لينا ، طبعا أنا مشيت لأني في النص بين السكان وبين الاتحاد ، والسكان بيكلموني كأني أنا اللي جبتهم ، مش الجمعية العمومية والانتخابات ، وبيقولوا إنهم المره الجايّة مش حا يجيبوهم ، بس دول 8 شقق قدام 12 شقة ، والـ 12 مش متحدين ، يعني على قلبهم طول العمر، طبعا يا باشا أنا قلت أمشي قبل ما أروح في توكر .

قاطعه ناجح : دي عامله زي حكاية خيالية كانت جدتي بتحكيها ، ودايما تختمها بمثل .

العبد لله : احكي يا "ناجح" يمكن تنفع في كتابي عن حكايات خالتي "حياة هانم" .

ناجح منتفخ الأوداج كمن أصبح القائد المعلم : كان فيه واحدة ست عندها بنت واحدة ، الست كانت صعبة شوية ، والبنت عنيفة شويتين ، الست دعت دعوة على بنتها ، إنها تخلف كل ولادها توائم بس تقعد حامل سنين طويلة أكتر من 30 سنة ، وفعلا البنت ولدت رجالة كتير كلهم نزلوا عندهم مابين 30 و40 سنة وماتت وهي بتولد آخر واحد ، الرجالة دي محدش علمهم ازاي ياكلوا ومعدتهم ما كانتش تقدر تاكل زي الناس عايزين لبن أمهم وبعدين كبار مش بيعرفوا يعملوا حمام ، فبيعملوا على نفسهم ، ومش بيعرفوا يمشوا فبيحْبُوا علي ركبهم ويخبطوا في الحاجة ويكسروا البيت ويكسروا في نفسهم ، العيال كانوا كتير ، كلهم ماتوا وما فضلش منهم إلا 2 هم اللي ورثوا أمهم وعلى ما اتعلموا يعيشوا زي الناس وخلق الله كانوا ضيعوا كل فلوس أمهم وباعوا بيتهم لأنهم ما عندهمش خبرة في أي حاجة ، ومطالبه كبيره وفي النهاية ضاع اسم عيلتهم وما بقاش لهم أي ذكري إلا الحكاية العجيبة ، بس خلصت الحدوته.

العبد لله : طيب إيه المثل.

ناجح : "كان في جرة وطلع لبرة"

وعلى الله قصد السبيل

  • §      من القلب

بلاد زمان كان فيه نظام كان يحترم فيها الطابور

بلد طابور من غير نظام تروح تغور

نسورها أصغر من الحمام

وحمامها وجبة للنسور

 

مشاركات القراء