 طز تركيا

اقرأ لهؤلاء

التكنولوجيا .. وثورة في العلاج الذاتي
لا شك أن التكنولوجيا الحديثة باتت تلعب دورا استراتجيا في تطوير الخدمات الصحية العالمية بصورة تشكل قفزات نوعية كبيرة بداية من الأبحاث المتعلقة بتطوير
	تكنولوجيا محاربة الفساد  .. وصبر الشعب
التعلم خطوة خطوة في ممارسة الديمقراطية هو أحد أهم مكتسبات الشعب المصري خلال السنوات الستة الماضية لاسيما بعد أن نجح
الشباب .. واستراتيجية قومية للإبداع
يدرك الجميع أن مصر واحدة من الدول التي وهبها الله قوة بشرية لا يستهان بها ، إذ إن 60 % من السكان في عمر الشباب أقل من 25 عاما
تحديد حقوق وواجبات الروبوتات
كما يقال، لا قيمة لشيء بدون إثبات وتوثيق ورقي، وفي خضم الضجة العالمية حول النتائج المحتملة لدخولنا ثورة صناعية من نوع جديد، يقودها
الأمن الفضائي .. والتنسيق العربي المطلوب " 1- 3 "
يشكل الأمن والاستقرار، وحماية حقوق الملكية الفكرية أحد أهم متطلبات عملية التنمية الاقتصادية وإقناع المستثمرين

أصدقاؤك يفضلون:

	طز تركيا

 بقلم : ناصر أفندي فؤاد
معظم جموع الشعب المصري ومعظم جموع شعوب العالم تعمل بجانب وظائفها كمحلل سياسي وخبير استراتيجي سواء بعلم أو بغيره وبالطبع ناجح البواب، وكلنا لبسنا عباءة التحليل السياسي خلال سويعات الانقلاب التركي الفاشل.
العبد لله : أخبارك إيه يا عّم ناجح .. شكلك منمتش كويس ، كنت بتابع الانقلاب التركي السريع؟
ناجح : والله تمام ، الواحد فضل قدام التليفزيون لحد ما اللي عملوا الانقلاب قرروا الانقلاب علي الانقلاب ، وعلي فكرة ده مَش أسرع انقلاب في تركيا ، فيه انقلاب حصل بمذكرة ، قائد الانقلاب بعت مذكرة لرئيس تركيا ، ورئيس تركيا وافق عليها واتكل .
العبد لله: يعني إيه رأيك في الانقلاب أو محاولة الانقلاب يا ناجح باشا .
ناجح : يا فندم ده انقلاب كامل وكان ناجح ، وطبعا كان ممكن يخلصوا علي أوردوغان في الجو وكان في مرمي طيرانهم ، بس شكلهم صعب عليهم الراجل ، خاصة إن مفيش دولة رضيت تسمح لطائرته بالهبوط فيها ، وبعدين سيادتك سيد العارفين ، نزل في قاعدة أمريكية ،وطلعت طيارات منها خلصت علي الطيارات اللي رفضوا يموتوا أوردوغان ، ودي رواية صحيحة وإن كان فيه رواية تانيه بتقول إن أوردوغان نفسه ومخابراته هما اللي دبروا الانقلاب ، وانه ضحك علي اللي قاموا بيه وطبعا راجع علشان يمسح كل اللي يعارضوه ويسجن اللي عايز يسجنه وكله بموافقة الشعب والبرلمان التركي ، بس دي رواية مسلوقة .. ناقصه ملح وملهاش طعم .
العبد لله: بس انت جيبت الكلام ده منين يا ناجح ؟
ناجح : كل القنوات كانت بتقول كلام عكس بعضه ، بس دي الخلاصة ، طيران موقعش طيارة الرئاسة علشان تقع هي ، وعساكر بتتحايل علي الشعب ومعاها دبابة يعني طلقة واحدة تخلص علي الحكومة وبرضه مضربتش ، وعساكر في الشارع من غير ذخيرة ، شكل الانقلاب ده كان جايب فريق الأهلي والزمالك علشان يدربوا العساكر علشان كده اتوكسوا وكسة علي دماغهم .. الجميل أن بان كي مون طلع وأعرب عن قلقه ، وأوباما قال احنا بندعم الدستور يعني لو الانقلاب نجح فيبقي بناء علي دستور البلد ولو فشل يبقي دستور يا سيادتها .
العبد لله : أنا شايف انك تسيب البوابة وتروح قناة فضائية تعمل برنامج توك شو.
ناجح : يا باشا اللي بيكسب دلوقتي قنوات الطبيخ.
العبد لله: طيب ما هو اللي حصل في تركيا طبخة متسبكة لصالح اوردوغان
. ناجح : متسبكة بس من غير ملح .. تبقي من غير طعم ومتتبلعش .
العبد لله : انت عارف ملح بالتركي يعني إيه يا ناجح.
ناجح : لا يا باشا
العبد لله : يعني طز .
ناجح : يبقي طز انقلاب تركيا كان قليل .
وعلى الله قصد السبيل.

مشاركات القراء