الحرز .. السيرك (6)

بقلم : د. ناصر فؤاد
نستكمل اليوم الحديث الذي دار بين قرني السالك فراش المكتب والباشا أمين والذي يستعد لإجراء التحقيق مع الصحفي نصار
إذ ولج الصحفي من الباب مبتسما قائلا:
نصار الجرنالجي :" مساء شريف للباشا أخبار الأشاوس إيه النهار ده أنا شايف متهمين كتير بره" ..
وقبل أن يستطرد في الحديث عاجله أمين الصالح بسرد حادثة السيرك بالتفصيل ولم ينس أن يضيف بعض التوابل وأسماء الرؤساء، فالموت للجنود والنصر دائما للقائد.
خرج الجرنالجي مسرعا متجها للجريدة وحضر بعد انصرافه مباشرة السالك محملا بأكياس البضائع ووضع سبعة جنيهات على المكتب وهم بالانصراف.
أمين :" نفذت اللي قلت عليه بالحرف يا قرني وطبعا انت جبت لنفسك كمان"
السالك :" ربنا يديم على معاليك عزه ويخليك لينا ده انت فاتح بيوت كتير يا باشا"
أمين :" دخل المتهمات الأول وبعدين ابق اعمل لهم فيش"
دخل على أمين الناصح 4 سيدات محجبات لا يظهر إلا وجوههن.
أمين :" الله يكسفك يا قرني دول بتوع الآداب"
فردت إحداهن "يا باشا احنا تجارة وزراعة وثانية خدمة اجتماعية ما فيش فينا آداب..."
قرني :"يا باشا ده ظلم دول ستات فضليات بس نعمل إيه للمرشدين ولاد الحرام"
أمين ممتعضا :" القضية باظت .. اسمك إيه ثلاثي يا فيلسوفه"؟
:"جانيت حنين تادرس"
أمين بعد أن هب واقفا :"ازاي انت محجبة ولابسه خمار"؟
:"هو ممنوع ولا إيه يا باشا"
أمين :"خرجهم وتعالي يا قرني بسرعة"
قرني بعد أن خرجوا :" تمام معاليك"
أمين :"قبضت كام منهم حفتشك بسرعة .. رد"
السالك :" راح معظم المعلوم ....."
أمين : "بتقول إيه يا بجم ...."؟
السالك : "كل اللي معاهم كان حوالي 9700 وموبايلات بعتهم بـ 1900 يا باشا"
أمين : " خد فلوس التليفونات بس وسيب الباقي حرز .. يلا ومشي الستات على النيابة بسرعة بعد ما تاخد أقوالهم".
السالك :"طيب أسيب التسعة والباقي أحطه أحراز....."
أمين : "أنا ححرزهم بمعرفتي وحوديهم بنفسي بس أول ما افضى من الشغل".

وفي نفس الوقت كان هناك اجتماع بالسيرك لوضع خطة لمواجهة أي أخطار محتملة مستقبلية وتم الاتفاق على أن يتم تجديد جميع وسائل الحماية وتم الاتفاق على المبالغ المخصصة لكل فريق على أن يقوم رئيس الفريق بشراء حاجياته مباشرة.
أول من سارع بالشراء هو لاعب الترابيز الأول عطعوط الألعبان وتم استبدال الشبكة القديمة بشبكة جديدة وموبايل لزوم التغطية الصحيحة ........