وزارة التعليم تقرر إجراء الامتحانات هذا العام إلكترونيا

الطالب: سمعت الخبر ده من صاحبي؟
زميل: خبر إيه؟
الطالب: بيقولك هنمتحن السنة دي عن طريق النت.
زميل: يعني إيه؟
الطالب: يعني الأسئلة هتجيلنا علي النت وهنمتحن في البيت دا العملية هتبقى فل آآآآآآآآآآآوي.
زميل: جميل آآآآآآآآآآآوي يعني الغش هيبقى وطني مش جماعي.
الطالب: آه بس لازم نعمل خطة وننظم نفسنا كويس أوي.
زميل: يعني هنعمل إيه قول لي صاحبي انصحني الله يرضى عنك؟
الطالب: بص احنا دلوقتي مش محتاجين نذاكر ولا أي حاجة ولا محتاجين نصغر الملازم علشان ندخل بيها الامتحانات.
زميل: جميل آآآآآآآآوي مش فاهم بردوه إحنا هنعمل إيه ... ما كدا امتحان وكدا امتحان.
الطالب: بص احنا ممكن نعمل شات جماعي لكل مادة وندخل معنا مدرس كل مادة وبعد الامتحان نديله 100 جنيه أو على حسب ما يطلب ونبعت له الأسئلة على الفيس وهو يكتب لنا الإجابات واحنا ننقشها زي ما هي بالظبط.
زميل: طيب ما اخترعوش حاجه تيجي تكتب لنا بالمرة بس مش مشكلة البلاد أخيرا قدرت مواهبنا وإن احنا مش عارفين ولا فاهمين أي حاجة في أي حاجة واني كده كده ما فيش شغل يبقى الواحد يدخل كلية محترمة علي الاقل لما يروح يتجوز والراجل يسألني انت خريج كلية إيه أقول له طب أو هندسة ولا حتى إعلام
الطالب: لا أنا في الحالة دي مش ها قبل أقل من طب يا صاحبي.
زميل: يالا الحمد لله كل اللي يجيبه ربنا كويس المهم إن الواحد يعمل اللي عليه ويدفع اشتراك وصلة النت علشان ما تجيش اليوم ده وتقطع أصل كده تبقى مصيبة ....هاها ها ها هاها
الطالب: لا ده الواحد كده يبقى نحس هاها ها ها هاها.

ممكن سؤال؟
هل المطلوب تداخل التكنولوجيا في جميع أغراضنا بشكل عشوائي .. أم هل المطلوب تغيير ثقافة التعامل مع التكنولوجيا الحالية وتطبيق الاستخدام الأمثل لها والخروج بها من دائرة الكماليات والترفيه إلى دائرة بناء مستقبل وصنع حضارة تكنولوجية تضاهي الدول الأخرى؟